دعــوة لزيـــارة المقـــابــر

 سلام عليكمـ ورحمة الله وبركاته ... أهل البلوجر الطيبين ...الأحياء منهم والأحياء برده !

إيه الرأي في تخصيص ساعة واحدة بس أو علي الأقل نص ساعة لزيارة المقابر ؟! 

بس قبل ما حد بس يتشائم ولا بطنه تقلب ولا قلبه يوجعه ولا يرجع فلاش باكـ لآخر معصية عملها !

الموضوع والله مش حكاية إن الحالــة المعدنية وحشة لا سمح الله ولا حاجة ،

ولا إن خلاص بقي الدنيا ضاقت بالواحد وكره الدنيا واللي فيها وعايز يستريح بقي !

ولا الواحد مثلاً ناسي ربنا ع طول الخط ويفتكره بس ساعة لما تحصله مصيبة والمود بقي طلب تقشف وزهد وزيارة مقابر !

،،

،

طيب بصوا نتفاهمـ بس شوية الأول !

إيه الرأي نشرب شاي بالنعناع سوا كدا 

كله عايز شاي بالنعناع !

طب خلاص وماله أهم حاجة عندنا راحة المرحوم قصدي الزبون !

 إتفضلوا بالهنا والشفا إن شاء الله .

طب أقول حاجة بقي...

الموضوع والله كله إعانة علي الدنيا ومتاعبها ومشاغلها ، وفي الوقت ذاته تذكرة بالموت اللي النبي عليه الصلاة والسلام في حديث له يقول: " أكثروا من ذكر هاذم اللذات " 

مش فاكر كان فيه حد من الصحابة كان يقال عنه " إن لو عرف إنه هيموت بكره ما أستطاع أن يزيد في عمله شيئاً " 

ليه بقي مش هيعرف يزود في عمله لأنه جايب آخره في الطاعات والعبادات والتوبة والصلوات والأذكار وصلة الرحم وعيادة المريض والسعي علي المعاش وإغاثة الملهوف ونصرة الضعيف ... إلخ 

هو جايب آخر مقدرته أو إستطاعته في التقرب لربنا سبحانه وتعالي والإستعداد ليوم الرحيل لدار البقاء والخلود .

ونقطة كمان إن ذكــر المــوت مش داعي للزهد في الدنيا والتكاسل في كسب العيش وأداء كل الواجبات الدنيوية المفروضة عليكـ  ، لا بل لابد إن يكون تذكر الموت وأحوالي الموتي ويوم القيامة والدار الآخرة والحساب والثواب والعقاب والجنة والنار دا كله يكون دافع للسعي في الدنيا بكل طاقة وعينه علي الآخرة فبالتالي يصلح أمر الدنيا والآخرة !

النقطة دي بيأكد عليها الحديث ده ... قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : " مِنْ أَصْبَحَ وَأَمْسَى وَالدُّنْيَا أَكْبَرُ هَمِّهِ شَتَّتَ اللَّهُ عَزَّ وَجَلَّ أَمْرَهُ ، وَنَزَعَ الْغِنَى مِنْ قَلْبِهِ ، وَجَعَلَ الْفَقْرَ بَيْنَ عَيْنَيْهِ ، وَمَنْ أَصْبَحَ وَأَمْسَى وَالآخِرَةُ نِيَّتُهُ وَأَكْبَرُ هَمِّهِ ، جَمَعَ اللَّهُ تَعَالَى أَمْرَهُ ، وَنَزَعَ الْفَقْرَ مِنْ قَلْبِهِ ، وَجَعَلَ الْغِنَى بَيْنَ عَيْنَيْهِ ، وَأَتَتْهُ الدُّنْيَا وَهِيَ رَاغِمَةٌ "

 

وفي زيارة المقابــر النبي عليه الصلاة والسلام له أحاديث منها ...
قال رسول الله – صلى الله عليه وسلم- (إني كنت نهيتكم عن زيارة القبور فزوروها فإنها تذكركم بالآخرة).

وعن أنس- رضي الله عنه- قال: قال رسول الله - صلى الله عليه وسلم- ( كنت قد نهيتكم عن زيارة القبور ألا فزوروها فإنه ترق القلب، وتدمع العين وتذكر الآخرة ولا تقولوا هجرا).

****
أنا هصلي العصر بإذن الله في المسجد اللي جنب البيت  .

وبعدين بس هروح البيت أخلص كام حاجــة كدا ورايــا 

 

وبعدين ننطلق بإذن الله 

ها علي بركــة الله

،

،

،

شفتوا وصلنا بسرعة إزاي ؟

يلا بقي دعاء زيارة المقابــر 

حد يفكرنا بيه كدا 

قول يا أحمد مالكـ كدا وشكـ جاب ألــون 

قول يا هندسة وما تخفش

الشيخ مشاري راشد هيقول معانــا أهه

إيه ده هو أنا عندنا حتي في الموت الناس مقامــات برده 

إيه المقابر اللي دورين دي ؟؟!!

ooooooooooooops

دي مقــابر المسيحين 

سبحــان الله

 

 لا حول ولا قوة إلا بالله

آه دي تربــة الراجــل اللي لسه مدفون من ساعتين بس !

اللهمـ إغفر له اللهمـ إرحمــه 

أدعولــه يا جمــاعة إنه الآن يسأل 

أيوا دلوقتــي وإحنا معديين كدا هو حالياً بيسأل !

ياااااااااااااااه

ياتري إيه الأخبــار عنده نجح ولا مش نجح

يا تري الأسئلــة كانت سهلة عليه ولا لآ ؟

يا تري منكر ونكير بيعملوا إيه دلوقتــي ؟

يا تري ضمة القبر هتعدي عليه إزاي ؟

ياتري شايف مقعده في أي مكــان دلوقتي  ؟؟!!

ياربــي 

رحمـــاكـ رحمــــاكـ

يارب إغفر وأرحمـ وتجاوز عما تعلمـ

 

 

 

ياااااااااااااااااااااه

هنا هيكون آخر المطــاف !

 

 

محدش ينسي لو حد قريبه متوفـــي ومدفون هنا يروح يقرأ علي روحه الفاتحــة ويدعيله 

بيفرح جداً والله زي ما النبي قال بالزيارة دي  ويتباهي كمان بين الأموات 

سبحان الله.

   

الكلب دا منظره مش طبيعي 

عامل زي الكتكوت المبلول 

وماله راكن قوي كدا ع الباب 

وماله عامل زي ما يكون بيسمع حاجة ؟

لعلـه خير

الكلب كان حاطط ودانـه في رأس المقبرة دي 

دا هنا في حد لسه مدفــون بعد صلاة الظهر !

طب يا تري الكلب دا عامـل كدا ليه  ؟

وياتري بيسمع إيييييييييييييييييه ؟

لسه برده الكلب علي وضعيته 

يارب لطفكـ  !

 

***





أستودعكمـ الله
دعواتكمـ