بسم الله الرحمن الرحيمـ
السلام عليكمـ أهل البلوج الكرامـ ورحمة الله وبركاتــه
وبعد أشهر من الإبتعاد عنكم وعن هذا العالمـ الإفتراضــي قررنا نحن أسرة تحريرالمدونة الكرامـ ( دا أنا بس برسم بس شوية ) العودة من جديد للظهور في هذا العالمـ الإفتراضي والتواصل مع سكانــه الكــرام !
عفواً عفواً عفواً .... لا داعــــي للتصفيق والهتــاف ....
أما عن أسباب الإنقطاع طيلة الفترة الماضية...
فكــانت بدايــةً الإستعداد لإمتحانات آخر العام واللي بدأت مع بدايــة شهر 5 وإنتهت بنهايــته .
وبعد إنتهاء الإمتحانــات مباشرة حجزت في أول إتوبيس إلي جنوب سيناء لقضاء فترة نقاهة بعد طول معاناة قبل وأثناء وبعد الإمتحانات .
قضيت قرابة الشهر في جنوب سيناء ما بين طور سيناء وشرم الشيخ بمعدل أسبوع في طور سيناء وثلاثة في شرم الشيخ !
كانت فترة جميلة أستفدت منها جداً وخاصةً إن زيارتي لسيناء هذه المرة تختلف عن أي زيارة سابقة .
في المرات الماضية كان ذهابي لجنوب سيناء كان بمثابة هروب من واقع زي الزفت والقطران أو من أي مصيبة مهببة بعملها وأخلع علي جنوب سيناء !
لكن المرة دي تختلف فلا كان في لا مصيبة ولا زفت ولا قطران وكان الوضع والحمد لله زي الفل . وكان فيه قدر كبير من الإستقرار النفسي ولذلكـ والحمد لله الواحد إستمتع بقدر الإمكان طول فترة التواجد في جنوب سيناء !
كان الشئ الوحيد اللي كنت مقلق منه كان نتيجة الإمتحانات واللي بحمد الله جت زي ما تمنيت بحمد الله ونجحت والحمد لله لكن من غير إحراج محدش يسألني عن تقديري لا تسألوا عن أشياء إن تبد لكمـ هودي وشي فين منكمـ !
والنتيجة ظهرت كمان يومـ خطوبة عمرو أخويا الكبير ... بتصل عليهمـ في البيت بقول يا جماعـة أنا نجحت .... قالولـــي وعمرو بيجيب الدبل عشان هيخطب !......... طب إزاي الكلام ده ؟ داحصل إمتي وإزاي ؟
قالوا هو دا اللي حصل الموضوع جه كدا في السريع ومن غير ترتيب !
وعملوا الخطوبــة كدا علي الضيق وما حضرتهـــاش ... كنت ساعتها في مارينا علي ما أتذكر في اليومـ ده !
وبعدها رجعت البيت بعد قرابـة الشهر بعيد عن البيت ودي أول مرة تحصل بس شكلها مش الأخيرة !
وعدنا والعود أحمد للبيت والحمد لله ...
وقررنا العودة للتواصل من جديد مع سكان العالمـ الإفتراضي وأهل البلوجر الكرام ...
14 Comments:
حمدالله على السلامة وان شاء الله من اول زوراك
والف مليون مبروك للاستاذ اخوك
وعقبال جميع الشباب
حمد الله على سلامتك
منور بيتك ^_^
و مبرووك ليك و مبروووك لأخوك كمان
و عقبالك ان شاء الله لما تخطب ^__^
حمد لله على سلامتك يا نجم
طولت غيابك علينا يا ريس
بانتظار مواضيعك يا نجم
حمدلله على السلامه يامواطن
ياشووجااااع
ويارب تكون استمتعت وتمتعنا بكلامك اللذيذ
تحياتي
حمدلله ع السلامة يا ابراهيم
البلوجر نور يا دكتور
عودا احمد
ومبروك ع النجاج
وعلى رجوعك سالما غانما لارض الوطن بين قوسين بتكم
قلــ"بـــلال"ــــــب فارس
الله يسلمكـ ... شرفتني بمروركـ الكريمـ
الله يباركـ فيكـ وعقبالكـ إنت كمان بإذن الله
سبايدرمان
الله يسلمـ سيادتكـ
دا نوركـ اللي غطي ع المكان
الله يباركـ فيكـ وعقبالكـ إنت كمان
ضكـــــتور جدا
يا راجل روح إنت ليكـ وش تيجي تسلم علي
ريس إيه ونجمـ إيه ؟؟
روح يا شيخ منكـ لـــــــه
ماجد العياطي
الله يسلمكـ يا أستاذ ماجد
الحمد لله كانت فترة زي الفل والحمد لله تتكرر من وقت للتاني
أسعدني جداً تواجدكـ
فاتيما
الله يسلمكـ يا أم يوسف
دا نوركـ اللي غطي علي المدونة وعلي البيت عندنا
دمتي دوماً بخير
راجية الرحمه
الله يباركـ في حضرتكـ يا فندمـ
وعقبالكـ من نجاح لنجاح إن شاء الله
شرفتيني بتواجدكـ
الحمدلله عالسلامة يا بني
ربي يبارك في نجاحك ويوفقك دايما لما يحب ويرضى
نورت المدونات كلها
فين الصور بتاعة البحر الاحمر وشارم
خلينا نتجول جولة سياحية مجانية وكأننا كنا معاك (:
نورت من تانى يظهر دا موسم عودة الطيور
:)
Post a Comment